| 魚．．．白日夢中's profile魚魚魚，我是一條魚PhotosBlogLists |  Tools  Help |
|
魚魚魚，我是一條魚尋找白日夢的故事 5/25/2009 捨得, 唔捨得....有時要建立一樣嘢係要花好多時間. 好似事業, 家庭. 友誼... 起碼都要花三, 五, 七年去建立. 不過你又可以用幾分鐘去破壞, 將成件事歸零.
由細到大都好想擁有自己既一間屋. 五, 六件前都仲係一件好遙遠既事. 點知一場沙士就令我可以夢想成真.
但當你擁有時, 又可能唔係係想像既一回事. 入伙前裝修搬屋, 到入伙後執屋維修, 都係一件好花力氣既事. 但有更多更多往後既事你跟本就控制唔到. 又或者係自己有意無意間改變咗但自己唔知. 原來我都唔係咁需要擁有一間屋.
原來好多事都可以歸零, 只以你肯去想, 肯去做, 同埋唔怕唔捨得. 頭兩樣做得到, 但"唔捨得"就有啲難攪. 先旨聲明, 去想去做唔代表係好定唔好. 好唔好自己知.
唔捨得可以係好多嘢. 係乜連自己都唔願多提. 總知就唔捨得. 既然要歸零, 就要所有嘢歸零, 冇得畀你揀. 我亦都唔想揀.
一分鐘, 六個簽名, 原來可以快到咁. 仲好, 諗都唔洗諗. 只不過係唔捨得. 日子每天每天咁過, 我信時間可以沖淡一切... 只要自己覺得值得就可以...
以前成日講笑話最好有粒Undo Bottom畀我就好, 原來我係需要一粒Reset制. 5/6/2009 留白做人最緊要識得"留白", 即係畀啲位自己轉彎, 唔好吓吓去到咁盡.
去到咁盡, 返唔到轉頭, 又攪到自己, 有乜謂?
"留白"係一門學問, 又係一門藝術. 就好似影相咁, 要識得收, 識得放, 唔係乜嘢都要影晒入去. 留啲位, 畀啲空間自己, 畀啲空間大家.
唔記得幾時聽過呢個terms, 但係就好深印象...
人大咗, 更要去學識"留白"既道理. 你學識咗未?
p.s. 呢排好想放吓假, 走轉日本入吓貨可能係一個好選擇! 4/13/2009 Boo & Wei好耐冇同過呀Boo呀維玩, 呀Boo就冇乜點變, 反而呀維就肥到隻豬咁, 踢極都唔郁.
成日都覺得自己好衰, 似住乜都自己攪得掂, 乜都可以放得低, 唔洗人理. 我試過有次係公司胃痛到差啲自己CALL白車, 但怕麻到同事, 自己一條友死咗返屋企, 痛足一日. 諗番轉頭點解唔入醫院? 我真係幾忍得痛..... 但見到呀維同呀Boo我就唔係好忍得, 明知呀維肥, 點都畀啖魚柳佢食; 呀維係我身上瞓, 肚餓又唔落街食, 等佢醒咗先去食飯. 呀Boo一向聰明, 唔會攪住晒, 係朝頭早會叫你起身, 我諗都係肚餓. 呀Boo出咗名"十問九唔應", 我就係鐘意佢夠Cool, 同埋佢識鍚我.
大致都習慣宜家既生活, 以前冇諗過, 竟然可以返轉頭. 所以話世事無絕對. 繼續投資緊我既quality of life cornor, 新成員係膽機一部. 他朝有日攪掂貼張相畀大家睇睇, 至於部咖啡機..... 我仲睇緊. 宜家有杯咖啡飲就不得了.....
生活細節都改變咗, 開心擔心放心唔放心乜都有. 前幾個月都唔敢諗將來, 就算諗一兩日後點都唔敢, 宜家好咗好多, 都係唔敢多諗, 但都可以諗吓. 起碼可以Plan吓一兩個月既schedule.
記得有朋友前幾個月話我變咗好多, 當時我唔覺, 不過你宜家問我我會答你. 我真係變咗. 無論自己定身邊既嘢都唔同晒. 唯一唔變就係呀Boo同呀維.
唔記得同你哋影張靚相添, 下次幫你地影輯沙龍!! 我宜家對沙龍有好透徹既了解!
3/13/2009 Settle? Settle!好耐冇寫過Blog, 耐到自己都唔記得上次寫過啲乜.... 1/12/2009 Control有時以為自己可以控制某些事情, 但原來係控制唔到, 甚至乎到失控O既地步!! 註: 天氣涷, 鼻敏感發作, 如果見到我好以見鬼一樣, 唔好意思, 我都唔想, sorry~~~ |
||||||||||||||
|
|
