講過好多次, 冇乜特別補充.

只係提嗰兩條友12月GPA唔好畀最尾嗰行我坐就得. 我要一張員工證.

 

more photos here:

無線正播緊一百萬人的故事. 劉嘉玲訪問一個小朋友, 問佢一個月有幾多零用錢. 小朋友答一個月有十蚊. 劉嘉玲續問小朋友零用錢會用係邊, 小朋友答佢一個月會用三蚊係學校買糖食, 七蚊會儲起用嚟讀書用...... 一個月七蚊, 一年得$84. 去Starbuck飲杯Latte食件cake都洗咗.

全世界都走向極端, 只有最好和最差, 沒有了"OK啦". 我可以用幾皮嘢買部相機, 但身邊的小朋友連一本新的敎科書都冇錢買.

每次interview睇CV, 我會特別留意兩個地方, 分別係出生日期和current/expected salary. 有時睇到真係會唔開心, 同我差唔多年紀, 學歷又好過我, 工作經驗又唔差, 點解會揾咁少. 有時係少到我會"吓"咗出嚟.

我信"命水", 工作發展同"命水"係分唔開, 你好叻但命水唔好都係死路一條. 但身邊又有D人唔叻但好好命水, 可能係前世積落, 吹咩!! 你係under paid定over paid, 其實係整定. 你估李家誠有咁多錢, 係唔係100%純綷因為佢自己努力?  大家當然要努力工作, 追求better quality of living, 但去到咩位, 好多時唔係自己話事.

當我地仲討論緊你係under paid定係over paid, 都只會影響到你買多對波鞋手袋. 起碼唔會餓死. 對比嗰D一個月得十蚊零用o既小朋友, 係佢地o既世界, 根本無"資格"去講, 佢地只係有"n/a", 即係乜都冇. 點解我地個社會變咗咁....

唔知點解呢排都瞓得唔係咁好, 個腦總係不停諗嘢, 好似而家成兩點鐘都唔係好想瞓, 不過又好眼瞓, 都唔知自己想點.

頭先係咁二望咗兩眼本"新假期", 又係時候諗吓今年去邊度旅行. 今年公司請大家去"東京+仙台", 雖得四日三夜不過零晨機飛玩足四日, 最緊要係東京可以自由活動, 又可以放血又可以暴食, 諗落都唔錯. 不過帶partner就要畀多成$8xxx, 真係兩條友去曼谷豪玩都夠. 成日都唔明點解公司包團次次都貴到冇譜, 仲要畀間cheap cheap新宿太子我住. 我住開South Tower, Kieo Plaza, 畀番D同grade我住得唔得!!

今年其實好想去London & Paris. 前排都有諗過買定機票plan九月去. 不過歐羅英磅貴到痴咗線咁, 加埋Oasis清盤攪到機票都貴埋. 睇怕歐洲之行都係攪唔成多. umm..... 又唔想去陽光海灘,  又唔想去東南亞, 都唔知仲有邊度可以去. 各位朋友, 畀D suggestion我, 等我思索吓去邊好.

真係好眼瞓, 希望瞓得著. 大家good sleep~~~

 

唔係講笑, 真係做到反艇. 反完再反番轉, 總知就係咁反.

正當反艇之際, 光頭佬又塞錢入我袋.... "點解你條team有幾條友, 你都做到咁. 係唔係你management有問題. 比多D嘢Vincent做咪得囉."

嗱嗱嗱, 唔關我事, 係光頭佬篤你出嚟, 你今次仲唔死!!!

 

雖然Vincent好快就會做死, 但我呀妹就突然失業. 冇錯, 佢就係其中一個因Oasis執粒受影響o既員工. 最大鑊, 就係佢而家係"納米比亞". 點解會係嗰度?? 我呀妹話佢飛機連空姐借咗畀唔知邊間airline. 幾時返香港都唔知, 點返香港又唔知, 你話大唔大鑊!!!

 

more about The Republic of Namibia

大家都知我一向好少影人, 就算係影都係snap為多. 復活節假同Karen & Karrie走咗去影相. 嘩.... 原來影人像真係幾難.

事前個theme都諗咗好耐, 又要買POPS, 又要揾地方. 最大問題係得三條友, 拎嘢拎到死死吓.

過程幾有趣, 不過大家都冇乜舞台經驗, 所以係posting方面遇到不少困難. 睇嚟都要畀錢SLH Production, 同Howard老師學番幾堂Posting.

呢幾日先得閒攪攪D相... ummm, 發覺自己影人真係好屎吓. VASK真係有D料到. 得閒跟Vincent學吓嘢先得. Vincent.....你地條team收唔收靚呀....

影得唔好, 唯有photoshop攪攪佢. 仲死, 原來我唔識PS..... 唯有乜都試吓.

點都好, 雖然效果麻麻地, 但確係一次Good Try!! 最緊要係諗咗個team名. "Tube Creation" ~~~ yeah!!!!! 多謝Angela幫我地諗咗個名.

現誠徵攝影呀四多名, 只要你有相機, 肯做呀四就得 (其實我地個個都係呀四). 我地會provide一連串task要你完成.... 我地真係唔夠人呀....

more @ Flickr
http://flickr.com/photos/simonwong_happy/sets/72157604373342625/