| 魚．．．白日夢中's profile魚魚魚，我是一條魚PhotosBlogLists |  Tools  Help |
|
5/31/2008 Cut-Off每個月都會遇上不同的Cut-off, 有信用咭賬單Cut-off; 有供樓還款Cut-off; 有公司月尾Cut-off; 有vendor落貨Cut-off....總知就有幾十個Cut-off, 日日總有D嘢攪住你...... 5/18/2008 我係一舊"蚊"飯上次因打風除消咗o既SIS足球比賽尋日係科大球場上映, 本來係SIS主場, 但唔知點解得兩條友到, 其他人全部"笠水". 結果主場變咗外援. 不過冇乜所謂啦, 還咗佢地一班人o既心願, 最緊要有波踢 .
我又再次奉命幫大家影相. 一早就知自己D鏡唔夠長(科大個場真係好大, 我估係11人大場, 200mm加1.4 extener都係冇乜料到), 不過冇嘢做就入去玩吓.
不出我所料, 個場好大, 好彩唔係我去踏波, 畀我踏兩嘢一定死得. 我同Ringo & Karen係場邊一邊吹水一邊影, 影影吓發覺好痕, 嘩!!! 點解咁多蚊o架, 一路影一路咬, 結果我隻左手就畀蚊咬咗成廿粒, 好似出水豆咁, 真係咬到痴咗線.
賽果有少少意外, 初時以為對家好勁, 又有波衫又有website又話組織力強, 點知成村人都唔識交波, 結果係我隊嬴咗, 4:3.
D相仲攪緊, 過兩日先upload畀大家睇. 不過今次o既經驗話畀我知, 我需一支300mm F2.8.... 咪住先, 支鏡好似成三皮幾嘢喎, 我一定畀蚊咬到傻咗. 要超級overpaid先有錢買. 同埋訂半年先有貨. 5/11/2008 冇得上網駛唔駛死 x PCCW Wifi Everywhere終於忍唔住走咗去pccw申請咗個pccw everywhere. 美其名就係可以係cutoff時係邊度都可以上到公司個email, 實際就係買咗部hp mininote, 唔出街上吓網晒吓點得.
其實而家乜嘢都有wifi, 手提電話啦, 相機啦, psp, nds...... 總知件嘢有wifi就好似勁d, 就算等人都總係要上吓網, 上少一陣好會死咁.
我唔知其他人點睇, 但對我嚟講上網同生活就已經分唔開. 因為四周圍都可以上網, 我可以成日都唔駛返公司都得 (當然要Bonnie係公司backup啦), 真係幾free幾方便. 好似我而家咁, 就係朗豪坊間Starbucks寫緊blog, 你話係唔係好寸呢!!!
不過睇住隻9吋唔夠o既mon, 都幾辛苦吓. 下次都係拎番部Fujitsu好d.... 5/7/2008 我老細係火炬手 & 我條左眼皮肥過條右眼皮全香港得百二個火炬手, 我大老細係其中一個, 公司所有高層加我呢個蛋散去咗全力支持大老細.
一早就入到沙田, 等咗兩粒鐘, 拎住部幾斤重o既相機, 又熱又落雨. 成個過程唔夠十分鐘. 好彩夠熱鬧, 同有得同支火炬影相.
畀人老點, 以為有個靚位影相, 結果我地成班人仲跑得多過我老細. 最衰就係影唔到老細拎住支火炬慢跑 (佢亦都快唔到), 希望老細唔會介意啦.
Olympic Torch Relay - Shatin, Hong Kong
我條左眼皮肥過條右眼皮左上眼皮自上年年尾就有兩粒油脂粒, 唔痛就冇乜理佢. 點知前兩日多手捽眼, 一瞓醒條左眼皮就腫咗, 肥過我條右眼皮三倍.
一早就去睇醫生, 畀左大量消炎藥加眼藥水, 最大鑊係要帶住條肥咗o既左眼皮返工, 樣衰到爆.
好彩今日已經冇乜腫, 希望唔駛睇專科割油脂粒啦.... 成千幾二千蚊呀!! |
|
|
