鏡頭重組轉下眼就已經到咗尾聲，連支12-24都賣埋，成屋得番一支Fisheye係DX鏡。

呢排對"Portraits Lighting"好有興趣，又係時候放多D時間去鑽研一下....

每當朋友同事見到我拎部D3+小黑五時, 好多時都會問我部機影到幾長?? 唔...... 真係唔識答, 又唔知點答, 我通當都會畀部機等佢自己望吓.

點解我唔識答?? 因我o既單位係"mm", 例如支小黑五係70mm-200mm, 最遠咪200mm囉.

通當而家買相機都會講有幾多倍zoom, 例如3倍zoom, 10倍zoom.其實幾多倍對我地呢d攝影師係冇意思, 好似支小黑五, 最wide係70mm, tele最遠係200mm, 200 / 70 = 3, 支鏡就係一支有3倍zoom o既鏡. 如果我同你講我支鏡得3倍zoom, 你就會以為支鏡唔可以影到好遠, 但大家唔好忘記, 支鏡一開始就已經係70mm, 所以就算得3倍, 都起碼要一部6倍zoom o既DC先可以同支小點5一樣影到咁遠 (一般DC由28mm開始, 但你細心留意的話, 會發現鏡頭並唔係寫28mm, 好似部 Canon 860IS 係寫4.6mm-17.3mm, 呢個又關CMOS size事, 總知就有排計).

其實人與人溝通好多時都需要有共同o既單位, 唔同單位小則會鬧出笑話, 大則會反目成仇斷而動武. 相機單位就話有得計, 但你我溝通o既單位又點計呢?? 如果你知道點計, 記得話我知.

 

尋日身痕拎晒D鏡頭同BODY影咗張全家幅. 原來我都唔好有好多鏡啫, 大把位入貨.

後排: 24-70mm F2.8, 70-200mm F2.8VR, SB800

中排: F100 & 35mm F2, D3 & 85mm F1.4, D200 & 10.5mm F2.8 Fisheye

前排: 60mm F2.8 Macro, 20mm F2.8, 12-24mm F4, TC-14EII

p.s. 唔好問我樓上堆嘢買咗幾多錢, 我打死都唔答

為咗迎接08奧運同將軍澳收到高清, 所以呢排都有睇吓 LCD TV. 雖然我屋企唔係豪宅, 冇一個幾百尺大廳, 但因實用率高, 間格實用, 所以個廳都有成九尺幾長. 37"太細, 42"又好似太大, 諗吓都係40"最fit,  所以呢排行街都有去d電器舖睇吓.

上星期行Times Square中原, 貪得意問吓個sales有乜好介紹, 見到部Sony同三叔40"就多咀問多兩句. 而家賣電視都幾得意, 個街價(我地行內叫SRP, Suggested Retial Price)mark到其高,  跟住話今日有promotion減二千, 再送千幾二千蚊coupon同機頂盒, 計落平成三四千蚊. 大家唔好忘記, 間舖仲有margin, sales又會有incentive, 其實部機本身就好平. 我諗一日閒閒地賣幾十隻. 如果我D Microsoft有咁好賣就發達.....

講番正題, 個sales真係好好心機, 同埋真係好熟, 問乜都識, 連我扮唔識嗰D佢都識. 問到吓上下, 又問吓放係隔離隻Sharp42", SRP係$16,800, 你又估吓最尾賣幾多錢???? 答案係$13,000, 你話死唔死, 一減就$3,800, 又係Full HD又42". 結果係"唔買就笨"o既心態下, 就買咗隻Sharp 42"返屋企.

成日以為42"好大, 驚死放唔落, 其實一D都唔大. 我同Iris都覺得仲可以買隻大D. 因為行Full HD, 睇高清電視梗係正到暈, 話晒都係1080i, 不過一睇番DVD就差少少, 始終得480線. 又係時候upgrade部DVD去Blue-ray.