| 魚．．．白日夢中's profile魚魚魚，我是一條魚PhotosBlogLists |  Tools  Help |
|
9/22/2008 X200就係咁燒焦 成日覺得部Fujitsu Notebook有些重，心思思想買部輕機用，終於等到HKU Space有Notebook Program, 部X200都唔洗$8000，即買！！ Thinkpad始終係Thinkpad, 真係爽好多，個keyboard又好用，一個字，抵！第二個字，爽！第三個字，正！ 買咗幾日，拎咗返公司揾同事幫手裝番D Software, 放低部機就出街食飯，返到公司問吓個同事攪掂未，點知同事話不如拎番埋我位睇睇。唔通裝Software有問題？但佢係一個Microsoft Pre-Sales Technical Staff，又點會有嘢難到佢呢？呢舖真係出事，同事唔小心跌咗部機落地，我估當時請況係左邊機角直插地下，結果個殼就咁爆咗。爆還爆，部機就行得走得，Thinkpad果然唔係浪得虛名。正當我仲好開心覺得冇買錯機之際，同事就話幫我拎去整。嘩！經初部觀察，多謝$950換咗個底。 同事當然十分唔好意思，不過我又冇乜嘢喎，成屋都係Notebook (連埋部X200，屋企總共有5部Notebook + 1部Mac機，個個同事都話我係度儲Notebook)，大把機用。其實我又唔介意自己畀錢去整，正所謂意外冇人想發生，解決到咪得囉。不過最大問題係部機太新(街未有得賣), Service Centre都未有Parts，唯有呢兩個星期揾張膠紙貼實佢用住先。聽日貼番張相畀有家睇吓。希望個同事唔會今晩瞓唔著啦...... 9/15/2008 好眉好貌生沙虱前幾天和老婆&朋友仔一齊食飯, 食食吓講開"好眉好貌"呢個問題. 發現原來身邊有大量"好眉好貌" O既朋友同事. 但佢地都面對一個問題, 就係"生沙虱".
即係點, 唔........ 即係生沙虱囉. 佢地都有一些共通點. 就係個樣都生得幾好, 但總係缺少咗某一些東西, 導致出現"生沙虱".
咩話, 話我講咗等如冇講. 我一講白D就會畫出腸, 咁咪即係自殺, 隨時有幾十個正"生沙虱"O既朋友揾我尋仇.
如果係知我講乜, 又想揾人畀D意見就揾我啦. 我幫BooBoo維維訂緊Frontine. Frontline係乜?? 殺虱藥呀!! 9/1/2008 攞你命卡拉OK@Karen Birthday K首先祝Karen同事生日快樂, 早D嫁得出.
如果唔係Karen同事, 我點都估唔到去K可以咁辛苦, 仲慘過畀人劈. 如果一早有得揀, 請先賜我一死, 我而家仲係周身骨痛...
"技安", 你好嘢!! 我今次完全收到, 死咗..... |
|
|
